تجريبي
د مکی مکرمی خوا ته د حوثي ملیشو لخوا دیوه توغندي توغولو په هکله
لوی امام وایې چي دا یو احمقانه جرم دی.. او د طائفی اجنډي خاوندانو لخوا روسوا ګواښ دی چي چټک او پریکندی دریز غواړي.
د ازهر شریف شیخ لوی امام استاذ او دکتور احمد الطیب څرګنده کړه چي د حوثي ملیشو لخوا د مکی مکرمی خواته دیوه توغندي توغول احمقانه جرم دی، چي د ځمکي په بیلا بیلو برخوکی څه دپاسه یونیم ملیارد مسلمانانو احساسات پاروي، لوي امام وویل: څه چي پیښ شول روسوا او مجرمانه پیښه وه، او خطرناکه بي ساری پیښه وه، او دطائفي اجنډی خاوندانو لخوا هغه روسوا ګواښ دی چي په عربی نړی باندی د ولکي ټینګولو دپاره هلی ځلی کوي.
لوی امام په عربی او اسلامي نړۍ کښې له ټولو هغه سازمانونو څخه ووغوښتل چي ددی پیښه په هکله اندیښنه لري چي ددغه بي ساری تیري په مقابل کښې چي له ټولو دینې، اخلاقي او انساني پولو څخه تیرۍ ګڼل کیږي، باید بیړنۍ پریکړه او چټک غبرګون وښایې.
د ازهر شیخ په دی خبرداري سره خپله وینا ختمه کړه چي: په نړۍ کښې ټولو واکمنانو او اړوندو سازمانونو ته دا ور په یادوم چي مقدساتو ته زیان رسول او دهغوی په حرمت باندی تیرۍ هغه نړیواله سوله تهدیده وی چي مونږ ټول یې غواړو او دهغي د راوستلو او د خلکوترمنځ د هغه سولي ټینګولو دپاره شپه او روځ کار کوو.