علم اور تقوى ‏

  • 5 فروری 2018
علم اور تقوى ‏

علم اور جہالت دو متضاد چيزيں ہيں جو بالكل بهى برابر نہيں ہو سكتيں،   علم سے ہى  انسان كو الله ربّ العزت  اور اپنى  پہچان حاصل ہوتى ہے، الله تعالى فرماتا ہے: (اور خدا سے ڈرو اور (دیکھو کہ) وہ تم کو (کیسی مفید باتیں) سکھاتا ہے) (سورۂ بقره: 282)  علم سے اچهے برے كى تميز ہوتى ہے، علم سے سيدهے راستے كا تعين ممكن ہو جاتا ہے، جو انسان كو  نہ صرف اپنے رب تك ، بلكہ دنيا ميں بهى اسى راستہ پر چلنا ہى اس كو  كاميابى كى منزل تك پہنچا سكتا ہے.   الله تعالى نے رسولِ كريمؐ كو حكم ديا كہ آپ اپنے رب تعالى سے علم كى دعا كرتے رہيں: (اور دعا کرو کہ میرے پروردگار مجھے اور زیادہ علم دے) (سورۂ طہ: 114)

علم كا مطلب ہے " جاننا"  اورحقيقى معرفت تك پہنچنے كے لئے صرف يہ كافى نہيں كہ آدمى كے پاس الفاظ اور معلومات كا ذخيره ہو، بلكہ يہ بهى ضرورى ہے كہ اس كے اندر صحيح سوچ اور  فكر ہو- الله كا ڈر آدمى كے اندر يہى صحت مند فكر پيدا كرتا ہے۔ آدمى جتنا زياده سنجيده ہو اتنا ہى زياده اس كے اندر  اچهے  فكر كى صلاحيت پيدا ہوتى ہے، اور  الله رب العزت  كا ڈر ہى  آدمى كو سب سے زياده اس قابل بناتا ہے كہ وه صحيح اور درست طريقہ  سے سوچ سكے۔

علم اور خشيت الہى  يا تقوى دونوں لازم وملزوم ہيں- انسان كے پاس جتنا دين اور دنيا  كا علم زياده ہوگا، اتنا ہى اس كے دل ميں الله تعالى كا ڈر اور خوف ہو گا۔ اگر دل ميں علم تو ہو، ليكن الله كا ڈر نہ ہو تو ايسے علم كا كوئى فائده نہيں ہے، بلكہ ايسا علم ہلاكت اور تباہى كا سبب بن سكتا ہے - ارشادِ بارى تعالى ہے: (انسانوں اور جانوروں اور چارپایوں کے بھی کئی طرح کے رنگ ہیں۔ خدا سے تو اس کے بندوں میں سے وہی ڈرتے ہیں جو صاحب علم ہیں۔ بےشک خدا غالب (اور) بخشنے والا ہے) (سورۂ فاطر: 28)

الله تعالى نے كتمان علم كى سزا قرآنِ حكيم ميں  ان  الفاظ ميں  بيان كى ہے: (جو لوگ (خدا) کی کتاب سے ان (آیتوں اور ہدایتوں) کو جو اس نے نازل فرمائی ہیں چھپاتے اور ان کے بدلے تھوڑی سی قیمت (یعنی دنیاوی منفعت) حاصل کرتے ہیں وہ اپنے پیٹوں میں محض آگ بھرتے ہیں۔ ایسے لوگوں سے خدا قیامت کے دن نہ کلام کرے گا اور نہ ان کو (گناہوں سے) پاک کرے گا۔اور ان کے لئے دکھ دینے والا عذاب ہے ( 174 ) یہ وہ لوگ ہیں جنہوں نے ہدایت چھوڑ کر گمراہی اور بخشش چھوڑ کر عذاب خریدا۔ یہ (آتش) جہنم کی کیسی برداشت کرنے والے ہیں!) (سورۂ بقره 174: 175) اور رسول اللهؐ نے فرمايا: «جس شخص سے علم كے باره ميں سوال كيا گيا، اور اس نے اسے چهپايا تو اسے قيامت كے دن اس كے منہ ميں آگ كى لگام پہنائى جائے گى۔»

الله كا ڈر آدمى كے الفاظ اور معلومات كے لئے ايسا ہى ہے جيسے سانچہ خام اشياء كے لئے سانچہ خام اشياء كو بامعنى صورت ميں ‏تبديل كرتا ہے۔ اسى طرح الله كا ڈر الفاظ اور معلومات كو معرفت ميں ڈهال ديتا ہے۔‏

علم حاصل كرنا اور اس كے بعد  اپنے دين كو اچهى  اور صحيح طرح سمجهنا ايك  بہت ہى عظيم عمل ہے- ارشادِ بارى تعالى ہے: (اور یہ تو ہو نہیں سکتا کہ مومن سب کے سب نکل آئیں۔ تو یوں کیوں نہ کیا کہ ہر ایک جماعت میں سے چند اشخاص نکل جاتے تاکہ دین کا (علم سیکھتے اور اس) میں سمجھ پیدا کرتے اور جب اپنی قوم کی طرف واپس آتے تو ان کو ڈر سناتے تاکہ وہ حذر کرتے) (سورۂ توبہ: 122) دين كى سمجھ اور فہم وراست الله ربّ العزت كى طرف سے ہوتى ہے۔ چنانچہ ارشادِ بارى تعالى ہے: (وہ جس کو چاہتا ہے دانائی بخشتا ہے۔ اور جس کو دانائی ملی بےشک اس کو بڑی نعمت ملی۔ اور نصیحت تو وہی لوگ قبول کرتے ہیں جو عقلمند ہیں) (سورۂ بقره: 269)

حقيقى عالم وه ہے جس كے دل ميں الله كا خوف ہو حضرت عبد الله بن مسعود فرماتے ہيں: "علم بہت زياده احاديث كو ياد كر لينے كا نام نہيں، بلكہ علم، كثرتِ خشيت الہى كا نام ہے۔" اس سے واضح ہوتا ہے الله كے ہاں عزت وتكريم كى مقدار تقوى كے مطابق ہے، اور تقوى كى مقدار علم كے مطابق۔ علم اور معرفت  كى وجہ  سے ہى الله نے انسان كو اشرف المخلوقات كا مرتبہ ديا اور علم ہى وه خزانہ ہے جو انسان كو امير بناتا ہے ، پس جس انسان كى جهولى اس خزانہ سے خالى ہو وہى حقيقى فقير ہو تا ہے، علم ہى انسان كو طاقت بخشتا ہے، رسول پاك پر نازل ہونے والا پہلا لفظ " اقرا" تها جو اس بات پر تاكيد كرنے كے لئے كافى ہے كہ " امت اقرا" كا حال اس وقت تك بہتر نہيں ہوسكتا جب تك وه اس حكم الہى كى تعميل نہ كرے !!

Print

Please login or register to post comments.

 

دہشت گردی كا دين سے تعلق !
بدھ, 10 مئی, 2023
(حصہ اول)
اسلام كے نام سے دہشت گردى!
بدھ, 1 مارچ, 2023
اسلام امن وسلامتى، روادارى اور صلح كا   مذہب ہے، اسلام  نے انسانى جان   كا قتل سختى سے ممنوع قرار ديا ہے. ارشاد بارى :" اور جس جاندار کا مارنا خدا نے حرام کیا ہے اسے قتل نہ کرنا مگر جائز طور پر (یعنی بفتویٰ شریعت) ۔...
زندگى كے حريف...فلاح وبہبود وترقى كے دشمن!!
منگل, 14 فروری, 2023
    آنے والا ہر سال پاکستان میں سیکیورٹی کے نئے چیلنج لے کر آتا ہے۔  پاکستان کے قبائلی علاقوں میں طالبان اور القاعدہ کا بڑھتا ہوا اثر و رسوخ، جہادی گروپوں کی سرگرمیاں، بلوچستان میں باغیوں کی کارروائیاں اور خودکش حملے، یہ وہ تمام...
12345678910Last

ازہرشريف: چھيڑخوانى شرعًا حرام ہے، يہ ايك قابلِ مذمت عمل ہے، اور اس كا وجہ جواز پيش كرنا درست نہيں
اتوار, 9 ستمبر, 2018
گزشتہ کئی دنوں سے چھيڑ خوانى كے واقعات سے متعلق سوشل ميڈيا اور ديگر ذرائع ابلاغ ميں بہت سى باتيں كہى جارہى ہيں مثلًا يه كہ بسا اوقات چھيڑخوانى كرنے والا اُس شخص كو مار بيٹھتا ہے جواسے روكنے، منع كرنے يا اس عورت كى حفاظت كرنے كى كوشش كرتا ہے جو...
فضیلت مآب امام اکبر کا انڈونیشیا کا دورہ
بدھ, 2 مئی, 2018
ازہر شريف كا اعلى درجہ كا ايک وفد فضيلت مآب امامِ اكبر شيخ ازہر كى سربراہى  ميں انڈونيشيا كے دار الحكومت جاكرتا كى ‏طرف متوجہ ہوا. مصر کے وفد میں انڈونیشیا میں مصر کے سفیر جناب عمرو معوض صاحب اور  جامعہ ازہر شريف كے سربراه...
شیخ الازہر کا پرتگال اور موریتانیہ کی طرف دورہ
بدھ, 14 مارچ, 2018
فضیلت مآب امامِ اکبر شیخ الازہر پروفیسر ڈاکٹر احمد الطیب ۱۴ مارچ کو پرتگال اور موریتانیہ کی طرف روانہ ہوئے، جہاں وہ دیگر سرگرمیوں میں شرکت کریں گے، اس کے ساتھ ساتھ ملک کے صدر، وزیراعظم، وزیر خارجہ اور صدرِ پارلیمنٹ سے ملاقات کریں گے۔ ملک کے...
123578910Last

الازہر_آبزرویٹری کى سالانہ رپورٹ 5388 رپورٹیں، 36 کتابیں اور مطالعے، بارہ زبانوں میں 93 آگاہی مہم، عربی اور غیر ملکی زبانوں میں 614 مقالات اور رپورٹیں
  الازہر آبزرویٹری برائے انسداد انتہا پسندی نے سن 2020ء میں اپنی اہم ترین رپورٹوں اور متعدد پروگراموں میں شرکتوں  سے متعلق ایک مفصل...
جمعه, 1 جنوری, 2021
جہاد كے معانى
جمعرات, 5 نومبر, 2020
مذہبى آزادى
منگل, 13 اکتوبر, 2020
124678910Last

دہشت گردى كے خاتمے ميں ذرائع ابلاغ كا كردار‏
                   دہشت گردى اس زيادتى  كا  نام  ہے جو  افراد يا ...
جمعه, 22 فروری, 2019
اسلام ميں مساوات
جمعرات, 21 فروری, 2019
دہشت گردى ايك الميہ
پير, 11 فروری, 2019
1234567810Last