Ujumbe wa Uokozi wa Al-Azhar Wafika Kambi za Warohinga Nchini Bangladesh kabla ya Kuanza Kugawa Misaada hapo kesho Jumatano
Ujumbe wa uokozi uliopelekwa na Al-Azhar Al-Sharif nchini Bangladesh, leo jumanne umefika kwenye kambi za Waislamu wa kabila la Warohinga katika mji wa Cox Bazaar uliopo mpakani na Myanmar, ikiwa ni maandalizi ya hapo kesho jumatano kuanza ugawaji wa misaada ya uokozi na vifaa vya malazi vilivyotumwa na Al-Azhar Al-Sharif.
Misaada hii inakuja ikiwa ni katika wigo wa usaidizi wa kibinadamu, kiari na kiuokozi ambao unatolewa na Al-Azhar Al-Sharif pamoja na Baraza la Wazee Waislamu kwa Waislamu wa kabila la Warohinga, ambapo hivi karibuni kutafuatia ziara ya Imamu Mkuu ambaye pia ni Sheikh Mkuu wa Al-Azhar na Mwenyekiti wa Baraza la Wazee Waislamu Prof. Ahmad Al-Tayyib wiki ijayo kutembelea kambi za wakimbizi wa Kirohinga huko Bangladesh.
Ujumbe wa Al-Azhar ulitembelea sehemu iliyoandaliwa kugawa misaada, ambapo maelfu ya mabox ya vyakula na mablanketi vitatolewa ikiwa kama ni hatua ya kwanza, ikimalizikia hatua ya pili ambayo itakusanya misaada ya chakula, tiba na vifaa vya malazi, inayotolewa na Baraza la Wazee Waislamu, ambapo mji wa Cox Bazaar unakumbwa na hali ya kujaa kwa kambi za wakimbizi, ambapo mji huo unapokea maelfu ya wakimbizi ambao wanaishi kwenye makambi wakiwa na hali ngumu kutokana na mabadiliko ya mara kwa mara ya hali ya hewa.