بدھ کے دن امداد اور ریلیف تقسیم کرنے سے قبل بنگلادیش کے اندر روہنگیا مسلمانوں کے خیموں میں ازہر شریف کا امدادی وفد
منگل کے دن ازہر شریف کی طرف سے بھیجا جانے والا امدادی وفد میانمار کی سرحد پر واقع " کوکس بازار " شہر میں روہنگیا مسلمانوں کے خیموں میں پہنچ چکا ہے، جہاں وہ بدھ کے دن ازہر شریف کی طرف سے بھیجی جانے والی امداد تقسیم کرنے کی خدمت سر انجام دے گا۔
یہ تعاون حقیقی انسانی امداد کے طور پر ازہر شریف اور مجلس حکمائے مسلمین کی طرف سے روہنگیا مسلمانوں کو پہنچایا گیا ہے۔ اور عنقریب آئندہ ہفتے شیخ ازہر اور مجلس حکمائے مسلمین کے صدر عزت مآب امام اکبر پروفیسر ڈاکٹر احمد الطیب صاحب بھی بنگلادیش کے اندر روہنگیا پناہ گزین مسلمانوں کے خیموں کا دورہ کریں گے۔
ازہر شریف کے وفد نے امداد تقسیم کرنے کی جگہ کا جائزہ لیا، جہاں پہلے مرحلے میں خورد ونوش کی چیزوں پر مشتمل دس ہزار کاٹن اور دس ہزار کمبل تیار کیے گئے ہیں، اور اس کے بعد دوسرے مرحلے میں خورد ونوش کی چیزوں کے ساتھ ساتھ طبی امداد؛ مجلس حکمائے مسلمین کی طرف سے کوکس بازار شہر میں پھیلے پناہ گزینوں کے خیموں میں پیش کی جائے گی۔ کیونکہ اس شہر میں ہزاروں پناہ گزین موسم کے دگرگوں حالات کے ساتھ خیموں میں رہ رہے ہیں۔