ہماری انفرادى اور اجتماعي زندگى ميں امانت كو بہت اہميت حاصل ہے اور اسلام نے اس كا بہت زياده اہتمام كيا ہے، يہاں تک كہ اسے دين كا متبادل اور ايمان كى علامت قرار ديا ہے، مطلب يہ ہوا كہ امانت كا نہ پايا جانا ايمان كے نہ پائے جانے كى علامت ہے اور اس ميں تعجب كى كوئى بات نہیں ہے، كيوںكہ امانت کا  لفظ "ايمان" اور "امن"  سے مشتق ہے، اس مفہوم ميں نبى صل الله عليه وسلم كى حديث ہے: "خبر دار اس شخص كا كوئى دين نہیں جس ميں امانت نہ ہو، گرچہ وہ روزه ركهتا اور نماز پڑهتا ہو"-

جب امانت اور دين دونوں لازم وملزوم ہیں جيسا كہ ہم نے پہلے اشاره كيا ہے، تو امانت ميں خيانت كرنا منافق كى علامت ہے، جيسا كہ حديث نبوى ميں جب منافق كى طرف اشاره كيا گيا تو اس بات كى جانب بهى اشاره كيا گيا ہے، "جب اس كے پاس امانت ركهى جاتى ہے تو خيانت كرتا ہے". امانت ميں خيانت كے ساتهـ دوسرى بہت سى برائياں شامل ہو جاتى ہیں جو انسان كى قدر وقيمت نہ صرف الله تعالى كے سامنے بلكہ اپنے اور دوسروں كے سامنے بهى گراديتى ہے-

امانت كى متعدد صورتيں ہيں، جو زندگى كے تمام پہلووں كو شامل ہے، ان ميں سر فہرست وه امانت ہے جسے انسان نے اپنے نفس كے ليے اختيار كى ہے، اور وہ ہے اس وجود ميں الله تعالى كى جانب سے دى گئى ذمہ داريوں كو پورا كرنا -

امانت كى بہت سى شكليں ہیں جن كا احاطہ مشكل ہے، ان ميں سے بعض كو مثال كے طور پر بيان كيا جاتا ہے: مال كى امانت، عزت وآبرو كى امانت، دينى تعليم اور اس كے شعائر كى امانت، دينى تعليم اور اس كے شعائر كى امانت، رازوں كے حفاظت كى امانت، خاندان كى ديکھ بهال كى امانت، ماحول كو محفوظ رکھنے كى امانت، صحت كو نقصان سے بچانے اور زندگى كو خطره سے محفوظ ركهنے كى امانت، عقل كو ہر صورت بے ہوشي سے بچانے كى امانت، وطن كے امن وامان كو خطروں سے محفوظ ركهنے كى امانت، وغيره، يہ تمام امانتيں ہیں جن كے بارے ميں قيامت كے دن انسان سے سوال كيا جائے گا-

امانت كى ديگر صورتوں كو چار دائروں ميں تقسيم كيا جا سكتا ہے:

فردى امانت: جس كا تعلق فرد كى ذات اور اس كے اندرون سے ہے.

معاشرتى اور اجتماعى امانت: اس كا تعلق انسان اور دوسروں سے ہوتا ہے خواه قريبى ہوں يادور كے.

دينى امانت: جس كا تعلق انسان اور الله تعالى كے مابين ہوتا ہے.

عام امانت: جس كا تعلق انسان اور اس كائنات كے مابين ہوتا ہے، اس ميں جاندار اور بے جان چیزیں دونوں شامل ہیں، يہ تمام امانتيں ايک ساتھ مل كر مكمل ہوتى ہیں، آپس ميں ان کا کوئی تعارض نہیں.

اسلام نے امانت كو ايک مركزى حيثيت اور فضيلت سے نوازا ہے، اس حد تک كہ قيامت كا آنا اور دنيا كا فنا ہونا اس دنيا ميں امانت كى پاسدارى اور اسے پورا كرنے پر منحصر ہے، اس لئے رسول الله صل الله عليه وسلم نے فرمايا: "جب امانت ضائع ہوجائے تو قيامت كا انتظار كرو"-

مطلب يہ ہے كہ امانت كا ضائع ہونا قيامت اور دنيا كے فنا ہونے كى علامت ہے، اس سے ہمیں اس اقدار كى اہميت كا اندازه ہوتا ہے، جو ہمارى زندگى كے ہر معاملہ کا جز لا ینفک ہیں چاہے چهوٹے ہوں يا بڑے، فردى ہوں يا معاشرتى، دينى ہوں يا دنياوى اور ان سب سے با خبر ہونا ہميں امانت كى ذمہ دارى نبهانے پر مزيد ابهارتى ہے اور اسے آنے والى نسلوں كے دلوں ميں مزید اجاگر کرنے پر آماده كرتى ہے، يہ دين كا جوہر اور اخلاق كا مركز ہے اور اس كى حفاظت كا مطلب ہر اچهى خصلت وفضيلت كى حفاظت ہے، يعنى زندگى كے استمرار اور سلوک كى استقامت كى حفاظت ، اور حق وخير كى قيمت اور جمال ورعنائى كو ہر جگہ پهيلانا ہے.